Жаңалықтарға жазылу керек па?

Сіз сәтті жазылдыңыз!

ТОО «ратиофарм Казахстан»
Тел : + 7 (727) 325 16 15
е-mail: info.tevakz@tevapharm.com
«ратиофарм Қазақстан» ЖШС
тел.: +7 (727) 325-16-15
е-mail: info.tevakz@tevapharm.com
Артқа
Алмагель®
Алмагель® А
Инструкции
Картадағы дәріханалар
Бейне баян

Инструкции

Саудалық атауы

Алмагель®

Халықаралық патенттелмеген атауы

Жоқ 

Дәрілік түрі

Ішуге арналған суспензия 170 мл

Құрамы

5 мл (бір өлшеуіш қасық) құрамында

белсенді заттар: алюминий гидроксиді гелі (15.3 % Al(OH)3) 2,18 г (218 мг алюминий оксидіне (10 % Al2O3)  шаққанда), 350 мг магний гидроксиді пастасы (75 мг магний оксидіне  шаққанда)

қосымша заттар: сутегінің асқын тотығының ерітіндісі (30%),сорбитол, натрий сахарині, гидроксиэтилцеллюлоза, метилпарагидроксибензоат, пропил-парагидроксибензоат, бутилпарагидроксибензоат, пропиленгликоль, макрагол 4000, лимон майы, 96% этил спирті, тазартылған су.

Сипаттамасы

Лимон дәмі бар, түсі ақ немесе ақ дерлік суспензия.

Сақтаған кезде бетінде қабаттарға бөлінуіне жол беріледі. Құтыны жақсылап шайқағанда, суспензия гомогендігі қалпына келеді.

Фармакотерапиялық тобы

Қышқылдықтың бұзылуымен байланысты ауруларды емдеуге арналған препараттар. Антацидтер. Алюминий препараттары. Алюминий препараттарының біріктірілімі.  

АТХ коды: А02АВ10

Фармакологиялық қасиеттері

Фармакокинетикасы

Алюминий тұздары ішекте елеусіз дәрежеде сіңеді. Әсер ету ұзақтығы асқазанның босату жылдамдығына байланысты. Ол ашқарынға қабылдағанда 20-дан 70 минутқа дейінгі арада ауытқиды. Тамақ ішкеннен соң бір сағаттан кейін  қабылдағанда препараттың антацидтік әсері 3 сағатқа дейін созылуы мүмкін. Алюминий гидроксиді және магний гидроксиді алюминий хлоридін және магний хлоридін түзіп, асқазандағы тұз қышқылының артық мөлшерін бейтараптандырады. Ішектегі сілтінің әсеріне байланысты олар алюминий және магнийдің сілтілі тұздарына айналады, олар нашар сіңеді және асқазан-ішек жолы арқылы шығарылады.  

Фармакодинамикасы

Алмагель® – антацидтік препарат, сорбиттің және алюминий және магний гидроксидтерінің теңгерімді біріктірілімі болып табылады. Тамақтан кейінгі 40-60 минутта ұсынылған бір реттік дозада және тәуліктік дозада қолданғанда орташа антацидтік әсер етеді.

Алюминий гидроксиді тұз қышқылының жоғары секрециясын бейтараптандырады және сілтілік ортада алюминийдің сілтілік тұздарына айналатын, аз сіңірілетін  және Алмагель® препаратын ұзақ қолданғанда қандағы алюминий тұздарының концентрациясын іс жүзінде өзгертпейтін алюминий хлоридін түзе отырып, асқазанда пепсин белсенділігін төмендетеді. Басқа жағынан, алюминий гидроксиді ішекте фосфат иондарын байланыстыра отырып, осылайша олардың сіңуін нашарлатып, фосфаттардың сарысулық концентрациясын төмендетеді.

Магний гидроксиді де магний хлоридіне айналып, тұз қышқылын бейтараптандырады, ол аздаған іш жүргізгіш әсерге ие болады.

Құрамында алюминий бар антацидті препараттар, оның ішінде Алмагель®, осылайша простагландиндер синтезі белсенуіне бай       ланысты асқазанның шырышты қабығына цитопротективті әсерге ие.  Осылайша шырышты қабықтың резистенттілігі жоғарылайды, ол оны тітіркендіретін және ульцерогендік агенттенрден (аспирин, ҚҚСД, этанол) туындаған қабыну-некроздық және эрозиялық-геморрагиялық өзгерістерден қорғайды.  

Құрамына кіретін сорбит әлсіз жел шығаратын және орташа өт айдайтын әсер береді, сондай-ақ магний гидроксидінің әсеріне қосымша орташа іш жүргізетін әсер береді. Осылайша, іш қатуын туындататын алюминий гидроксидінің әсеріне қарсы әсер білдіреді.

Препарат өз кезегінде метеоризм, эпигастрий аймағындағы ауырлық сезімі және тұз қышқылы секрециялануының екіншілік күшеюінің себебі болып табылатын, артынан көмірқышқыл газын түзбейтін, біркелкі және ұзаққа созылатын антацидтік әсермен сипатталады. Препаратты қабылдау электролиттік теңгерімнің бұзылуына әкелмейді, алкалозды және несеп шығару жолдарында конкременттердің түзілуіне әкелмейді.

Қолданылуы

  • қыжылда, гастритте, асқазанның және он екі елі ішектің ойық-жарасында жоғары қышқылдылық жай-күйін антацидті емдеуде

Қолдану тәсілі мен дозалары

Ішке. Қабылдар алдында құтыны шайқау керек. 

Симптоматикалық антацидті терапия

Ас қорыту жолының жоғары бөлімдерінің шырышты қабатында протективті әсеріне жету үшін препаратты тамақ ішкенге дейін 10-15 минут  бұрын қабылдайды.

Ересектерге және 15 жастан асқан балаларға

5-10 мл (1-2 өлшеуіш қасық) күніне 3-4 рет. Қажет болса, бір реттік дозаны 15 мл (3 өлшеуіш қасық) дейін жоғарылатуға болады.

Емдік әсерге қол жеткізгеннен кейін күніне тәуліктік дозаны  күніне 3-4 рет 5 мл-ге дейін азайтады (1 өлшеуіш қасық).

Емнің ұзақтығы 15-20 күннен аспауы тиіс.

Препаратты тамақ ішкеннен кейін 45-60 минуттан соң және кешке ұйықтар алдында қабылдайды.

Препаратты қабылдағаннан кейін жатып, бірнеше рет (әрбір 1-2 минуттан кейін) бүйірден бүйірге аунау керек (асқазан шырышты қабығында оның таралуын жақсарту үшін).

Жағымсыз әсерлері

  • іш қату, жүрек айнуы, диарея, құсу, асқазанның түйілулері, дәм сезудің өзгеруі
  • қандағы магний, алюминий  деңгейінің жоғарылауы және фосфор мөлшерінің төмендеуі
  • қышыну, есекжем, ангионевроздық ісіну және анафилаксиялық реакциялар сияқты аллергиялық реакциялар
  • нейроуыттылығы (бүйрек жеткіліксіздігі бар және диализдік емдеуде жүрген науқастар ұзақ қабылдағанда көңіл-күйдің және ақыл-ой белсенділігінің өзгеруі)
  • остеомаляция (тағамдағы фосфор тапшылығымен қатар препараттың жоғары дозаларын ұзақ қабылдағанда)

Қолдануға болмайтын жағдайлар

  • препараттың белсенді заттарына немесе кез келген толтырғыш  заттарына жоғары сезімталдылық
  • бүйрек жеткіліксіздігі
  • Альцгеймер ауруы
  • жедел іш теспеге күдіктену
  • бауыр циррозы
  • дивертикулез 
  • ойық-жаралы колит, колостомия немесе илеостомия
  • іш қату
  • созылмалы диарея, іш ауыруы
  • ішек бітелуі
  • эпилепсия, алкоголизм
  • геморрой
  • гипермагниемия
  • гипофосфатемия
  • метаболизмдік алкалоз
  • ауыр жүрек жеткіліксіздігі
  • жүктілік кезеңі
  • лактация кезеңі
  • 1 5 жасқа дейінгі балалар
  • тұқым қуалайтын фруктозаны көтере алмаушылық

Дәрілермен өзара  әрекеттесуі

Басқа дәрілік заттарды Алмагель®қабылдардың алдында 1-2 сағат бұрын немесе қабылдаудан кейін сондай уақыт өткен соң ішу керек. Алмагель® асқазан сөлінің қышқылдығын төмендетеді және бұл көптеген дәрілік заттармен бірге қабылдағанда, олардың әсеріне ықпал етуі мүмкін.

Алмагельâ  мыналардың:   Н2 – блокаторлардың, дәрумендердің, левотироксиннің, дигиталистік гликозидтердің, темір тұздарының, литий препараттарының, хинидин, мексилетин, фенотиазинді препараттардың, тет­рациклиндік қатар антибиотиктерінің, ципрофлоксациннің, гидроксихлорохин, хлорохин, хлорпромазин, рифампицин, розувастатин, цефдинир, цефподоксим, изониазид және кетоконазолдың сіңуін азайтады және соның салдарынан емдік әсерін төмендетеді. Ішекте еритін таблеткаларды бір мезгілде қабылдағанда асқазан сөлінің сілтілігі жоғарылауы бұл қабықтардың жылдам еруіне әкелуі және осылайша асқазан тітіркенуін және дуоденома туындатуы мүмкін. Алмагельâ асқазан секрециясы деңгейін төмендетеді және осылайша асқазан сөлі қышқылдығының функционалдық зерттеу нәтижелеріне әсер етуі мүмкін.

Айрықша нұсқаулар

Науқастар төмендегі жағдайларда дереу дәрігерге қаралуы керек:

  • дене салмағының азаюы     
  • жұтқанда қиналыс пайда болуы немесе қайтпайтын іштегі жайсыздық сезімі;
  • ас қорытудың жаңа бұзылыстары немесе бұрыннан барының өзгерістері пайда болуы
  • бүйрек жеткіліксіздігі.

Қолданудағы сақтық шаралары

Бүйрек жеткіліксіздігі бар немесе диализде жүрген пациенттерді емдегенде препараттағы алюминий және магний тұздары құрамын ескеру керек. Бұл заттарды жоғары дозаларда ұзақ қабылдау энцефалопатия, деменция, микроцитарлық анемия дамуына әкелуі немесе  диализден туындаған остеомаляцияны нашарлатуы мүмкін.

Алюминий гидроксидін қабылдау  гемодиализде жүрген порфириясы бар пациенттер үшін қауіпті болуы мүмкін.

Басқа дәрілік заттарды Алмагель®қабылдардың алдында 1-2 сағат бұрын немесе қабылдаудан кейін сондай уақыт өткен соң ішу керек.

Егде жастағы науқастар ұзақ уақыт қабылдағанда остеомаляция және остеопороз, сондай-ақ Альцгеймер ауруы дамуы мүмкін. Сондықтан препаратты қабылдау кезеңінде фосфорға бай тағамдарды ішу керек. Үлкен дозаларды ұзақ қабылдағанда бүйректе тастар түзілуі, ауыр іш қатулар, ұйқышылдық, гипермагниемия, сонымен бірге метаболиздік алкалоздың белгілері: ақыл-ойдың немесе көңіл-күйдің ауыспалылығы, бұлшық еттің жансыздануы немесе ауыруы, ашушандық және тез шаршағыштық, тыныстың бәсеңдеуі, жағымсыз дәм сезінулер дамуы мүмкін. 

Алмагель®кейбір зертханалық және функционалдық зерттеулердің және тесттердің нәтижелеріне әсерін тигізуі мүмкін: қышқылдығын анықтау кезінде асқазан секрециясының деңгейін төмендетеді; асқазан және өт қапшығындағы натрий пертехнетаттың 99 mТc көмегімен дивертикулдерді көру тестісін және технеция 99mТc изотопымен белгіленген күкірттің коллоидты ерітіндісі көмегімен сүйек сцинтиграфиясын бұзады; гастриннің сарысулық деңгейін орташа және аз уақытқа жоғарылатады, фосфордың сарысулық деңгейін, сарысудың және несептің рН-ын төмендетеді.

Алмагель® препаратын сүттің көп мөлшерімен (бірден 1л-ден көп)  және сүт тағамдарымен бірге қабылдау ұсынылмайды.

Алмагель® препаратының құрамында қант жоқ болғандықтан, қант диабеті бар науқастарға қабылдауға болады.

Препараттың құрамында сорбитол бар, ол фруктозаның туа біткен жағымсыздығы кезінде қарсы көрсетілімде, өйткені ішек тітіркенуін және іш өтуді туғызу мүмкін.

Алмагель® құрамында парабендер бар, олар тері бөртпелерін және қышынуын туғызуы мүмкін, ал сирек жағдайларда аллергиялық бронх түйілуін туындатуы мүмкін.

Алмагельâ құрамында 2,5 к.%  этанол (алкоголь), яғни 98,1 mg этанол 5 ml (2,5 ml сыра немесе 1 ml шарапқа баламалы) басталатын дозада немесе 196,2 mg этанол 10 ml тұратын дозада (2 ml шарапқа және 5 ml сыраға баламалы) немесе 294,3 mg этанол 15 ml тұратын  дозада (7,5 ml сыра немесе 3 ml шарапқа баламалы) болады,  сондықтан препарат бауыр және ми аурулары бар, эпилепсиямен, алкоголизммен ауыратын пациенттерге, жүкті әйелдерге және 15 жасқа дейінгі балаларға ұсынылмайды.

Дәрілік заттардың көлікті жүргізу немесе қауіптілігі зор механизмдермен жұмыс  істеу  қабілетіне  әсер ету ерекшеліктері.       

Көлік құралдарын басқару қабілетіне және жоғары назар шоғырландыруды талап ететін механизмдерді пайдалануда дәрілік заттың жағымсыз әсер етуі жөнінде деректер жоқ. 

Артық  дозалануы

Бүйрек функциясы қалыпты пациенттерде ішу арқылы қабылданатын магнийдің артық дозалануында уыттылық реакциялары туындамайды. Ауыр бүйрек жеткіліксіздігі бар пациенттерде магнийден улану дамуы мүмкін.

Уытты әсері сарысудағы магний концентрациясына байланысты.

Уыттылық әсері төмендегілер болуы мүмкін: артериялық қысым төмендеуі, жүрек айнуы, құсу, бас айналуы, рефлекстер төмендеуі, бұлшықет әлсіздігі, нейро-бұлшықет салдануы, брадикардия, ЭКГ бұзылуы, гиповентиляция, аса күрделі жағдайларда, тыныс алудың салдануы, кома, жедел бүйрек жеткіліксіздігі, ануриялық синдром немесе жүрек тоқтауы.

Магнийдің артық дозалануын емдеу: гипермагнезиемия симптомдарын вена ішіне кальций глюконатын енгізу жолымен қайтаруға болады. Бүйрек жеткіліксіздігі бар пациенттерге гемодиализ немесе перитонеальді диализ керек.

Шығарылу түрі мен қаптамасы

170 мл шыны құтыда немесе полиэтилентерефталаттан жасалған құтыда.

Бір құтыдан 5 мл болатын дозалаушы қасығымен және медициналық қолдануы жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

Жарықтан қорғалған жерде, 25°С-ден аспайтын температурада сақтау керек. Мұздатып қатыруға болмайды!

Балалардың қолы жетпейтін жерде сақтау керек!

Сақтау  мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Балканфарма - Троян» АД, Болгария, 5600, Троян қ., “Крайречна” к-сі №1

Тіркеу куәлігінің иесі

«Балканфарма - Троян» АД, Болгария

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның  мекенжайы 

«Актавис Интернешнл Лтд.» Алматы қ. өкілдігі

Қазақстан Республикасы, 050009, Алматы қ., Мұқанов к-сі, 241, 1-а кеңсе.

Тел./факс: 8(727) 313 74 30, 313 74 31, 313 74 32;

Электронды пошта: actavis@actavis.kz; сайт: www. actavis.com

Жаналыктар

Картадағы дәріханалар

Бейне баян

Инструкции
Картадағы дәріханалар
Бейне баян

Инструкции

Саудалық атауы

Алмагель® А

Халықаралық патенттелмеген атауы

Жоқ 

Дәрілік түрі

Ішуге арналған суспензия, 10 мл және 170 мл

Құрамы

5 мл (бір өлшеуіш қасық) құрамында:

белсенді заттар: 2180.0 мг алюминий гидроксиді гелі (15.3 % Al(OH)3),

(218.0 мг алюминий оксидіне шаққанда (10 % Al2O3)),

350.0 мг магний гидроксиді пастасы (31 % Mg(OH)2),

(75.0 мг магний оксидіне шаққанда (21.43 % MgO)),

109 мг бензокаин,

10 мл (1 пакет) құрамында:

4360.0 мг алюминий гидроксиді гелі (15.3 % Al(OH)3),

(436.0 мг алюминий оксидіне шаққанда (10 % Al2O3)),

700.0 мг магний гидроксиді пастасы (31 % Mg(OH)2),

(150.0 мг магний оксидіне шаққанда (21.43 % MgO)),

218 мг бензокаин,

қосымша заттар: сутегінің асқын тотығының ерітіндісі (30%), сорбитол, гидроксиэтилцеллюлоза, метилпарагидроксибензоат, пропилпарагидрокси-бензоат, бутилпарагидроксибензоат, натрий сахарині, пропиленгликоль, макрогол 4000, лимон майы, этил спирті 96%, тазартылған су

Сипаттамасы

Ақ немесе ақ дерлік түсті, лимонның иісі бар суспензия. Сақтау кезінде бетінің қабаттарға бөлінуіне жол беріледі.

Құтының ішіндегісін қатты шайқағанда, суспензияның гомогенділігі қалпына келеді.

Фармакотерапиялық  тобы

Қышқылдылықтың бұзылуымен байланысты ауруларды емдеуге арналған препараттар. Антацидтер. Басқа  препараттармен біріктірілген антацидтер.  

АТХ  коды А02АХ

Фармакологиялық қасиеттері  

Фармакокинетикасы

Алюминий тұздары ішекте елеусіз дәрежеде сіңеді.

Магний иондарының 10%-ға жуығы сіңеді және олардың қандағы концентрациясы өзгермейді деуге болады.

Бензокаин өте аз мөлшерде сіңеді және іс жүзінде организмге жалпы  әсерін тигізбейді. Оның ауыруды басатын жергілікті әсері суспензияны қабылдағаннан кейін 1-2 минуттан кейін басталады. Резорбция дәрежесі препараттың әсер ету механизміне байланысты емес.

Әсер ету ұзақтығы асқазанның қорыту жылдамдығына байланысты. Ол аш қарынға қабылдағанда 20-дан 60 минутқа дейін  ауытқиды. Тамақ ішкеннен соң бір сағаттан кейін  қабылдағанда препараттың антацидтік әсері 3 сағатқа дейін созылуы мүмкін.

Фармакодинамикасы

Алмагель®А – асқазан сөлінің  жоғары қышқылдылығын төмендететін  және кейбір асқазан-ішек аурулары кезінде ауыруды жеңілдететін  препарат. Алмагель®А алюминий мен магний гидроксидтерінің теңдестірілген гелі болып табылады, олар ерімейді, ішекте сіңбейді дерлік және организмге өте аз мөлшерде түседі.  Алмагель®А асқазанның шырышты қабығына жергілікті әсер етеді және оны тұз қышқылының, және тамақтың басқа да зиянды заттарының тітіркендіруші әсерінен қорғайды, сондай-ақ пепсиннің белсенділігін төмендетеді. Препарат өңештегі жоғары қышқылдылықты төмендетеді. Алмагель®А құрамында  жергілікті ауыруды басатын дәрі болып табылатын бензокаин (анестезин) бар. Бензокаин айқын білінетін ауыру синдромында жергілікті ауыруды басатын әсер береді.  Өңештің, асқазан мен он екі елі ішектің шырышты қабығына қабынуға қарсы және цитопротективті әсер көрсетеді.

Қосымша заты сорбитол әлсіз жел айдағыш және орташа өт айдағыш әсер береді, сондай-ақ орташа іш жүргізетін әсері бар.

Қолданылуы

  • ауырумен, жүрек айнуымен және құсумен қатар жүретін  өңештің, асқазан мен он екі елі ішектің шырышты қабығының қабыну және эрозиялық өзгерістерін қысқа мерзімді симптоматикалық емдеуде
  • өңештің, асқазан мен он екі елі ішектің шырышты қабығының жедел немесе созылмалы қабынуында, немесе басқа да бұзылуында

Қолдану тәсілі және дозалары

Ішке. Әр қабылдаудың алдында құтыны шайқау керек.

Ересектерге  күніне 3 – 4 рет ас ішкенге дейін  10-15 минут бұрын 5 – 10 мл-ден (1 – 2 өлшеуіш қасық немесе 1 пакет) қабылдау ұсынылады.

Емдеудің ең жоғарғы ұзақтығы - 7 күн, содан кейін Алмагельмен®  емдеуге көшеді.

Алмагель® А қабылдағаннан кейін 15 минут бойы сұйықтық ішуге болмайды.

Жағымсыз әсерлері

  • іштің қатуы, іш өтуі, жүрек айнуы, құсу, асқазанның түйілулері, дәм сезудің өзгеруі
  • гипермагниемия, гипофосфатемия (гипофосфатемияның жеңіл түрлері  симптомсыз өтеді)
  • жергілікті және жалпы типтегі аллергиялық реакциялар
  • нейроуыттылық (бүйрек жеткіліксіздігі бар және диализдік емдеуде жүрген науқастар ұзақ қабылдағанда көңіл-күйдің немесе ақыл-ой белсенділігінің өзгеруі
  • остеомаляция (тамақта фосфордың тапшы болуымен қатар және қанда фосфор деңгейінің төмендеуіне байланысты препараттың жоғары дозасын ұзақ қабылдағанда  сүйектің жұмсаруы білінеді).

Қолдануға болмайтын жағдайлар

  • препарат компоненттеріне жоғары сезімталдылық
  • бүйрек  жеткіліксіздігі
  • бауыр аурулары, бауыр циррозы
  • Альцгеймер ауруы
  • жедел аппендицитке күдіктенгенде 
  • ойық-жаралы колит, колостомия немесе илеостомия
  • іштің қатуы
  • созылмалы диарея
  • геморрой
  • гипермагниемия
  • гипофосфатемия
  • жүректің ауыр жеткіліксіздігі
  • алкоголизм, эпилепсия
  • жүктілік кезеңі
  • лактация кезеңі
  • 18 жасқа дейінгі балалар мен жасөспірімдерге. 

Дәрілермен өзара әрекеттесуі

Басқа дәрілік заттарды Алмагель® А қабылдағанға дейін 1-2 сағат бұрын немесе қабылдағаннан кейін 1-2 сағаттан соң қабылдау керек.

Алмагель®А асқазан сөлінің қышқылдылығын өзгертеді, бұл бір мезгілде қабылданғанда көптеген дәрілік заттардың сіңуіне, биожетімділігіне, сарысудағы ең жоғары концентрациясына, сондай-ақ шығарылуына ықпал етеді.

Алмагель®А Н2-блокаторлардың (циметидин, ранитидин, фамотидин), дигиталисті  гликозидтердің, темір тұздарының, литий препараттарының, хинидиннің, мексилетиннің, фенотиазиндік препараттардың, тетрациклин қатарындағы антибиотиктердің, ципрофлоксациннің, изониазидтің және кетоконазолдың,  атенололдың, метопрололдың, пропранололдың, хлорохиннің, циклиндердің, дифлунизалдың, индометациннің, лансопразолдың, линкозамидтердің, фенотиазинді нейролептиктердің, пеницилламиннің, фосфордың (қоспа), тироксиннің сіңуін азайтады, – Алмагель® А мен бұл  препараттарды қабылдау аралығында 2 сағаттық үзіліс  қажет.  

Ішекте еритін препараттармен бір мезгілде қабылдағанда асқазан сөлінің жоғары сілтілігі қабықтың жылдам бұзылуына алып келуі және асқазан мен он екі елі ішектің тітіркенуін туғызуы мүмкін.

Алмагель®А құрамында бензокаин болғандықтан, сульфонамидтермен бір мезгілде  қабылдауға болмайды.  Парааминобензой қышқылының туындысы бола отырып, бензокаин сульфонамидтердің бактерияларға қарсы белсенділігінің антагонисі болып табылады.  

Салицилаттармен біріктіргенде несепті сілтілеуінің нәтижесінде препараттың  бүйрекпен экскрециялануын күшейтеді.

Айрықша нұсқаулар

Алмагель® А-мен емдеу кезінде, бензокаиннің жергілікті ауыруды басатын әсерінің әлсіреуі мүмкіндігіне байланысты, алкоголь мен қышқылдарды (лимон шырыны, сірке суы және т.б.) қабылдаудан аулақ болған жөн.

Дәрілік затқа аллергиялық көтере алмаушылық – аздаған бөртпе, қышыну, беттің ісінуі, тыныстың тарылуы пайда болса, қабылдауды тоқтату және дереу дәрігерге қаралу керек.

Суспензияның белгілі  бір мөлшерін қабылдағанда  ауыз қуысының шырышты қабығы мен тілдің ұюы және жансыздануы мүмкін.  Бұл өтпелі құбылыс  және оған емделушілер мазасызданбауы тиіс. 

Алмагель® А  кейбір зертханалық және функционалдық зерттеулердің және тестілердің нәтижелеріне әсерін тигізуі мүмкін: ол қышқылдылығын анықтаған кезде асқазан сөлінің деңгейін төмендетеді; технеция (Тс99) пайдаланылған тестілердің,  мысалы сүйек сцинтиграфиясы және өңешті тексеруге арналған кейбір тестілердің нәтижелерін өзгертеді, фосфордың сарысудағы деңгейін, сарысудағы  және несептегі рН мәнін арттырады.

Дәрілік заттың құрамында сорбитол бар, бұл оны диабетпен науқастарға қабылдауға мүмкіндік береді, бірақ туа біткен фруктозаны көтере алмаушылығы бар емделушілерге жарамсыз болып табылады, өйткені асқазанның тітіркенуін  және диарея туындатуы мүмкін.   

Алмагель®А  құрамында парабендер бар (қосымша заттар), олардың есекжемді, және сирек жағдайларда жылдам типті аллергиялық реакциялар – бронх түйілуін туғызатыны  белгілі.  

Алмагель®А құрамында 2.5 %  к, этанол бар, яғни 5 мл (2.5 мл сыраға немесе 1 мл шарапқа баламалы) дозада 98,1 мг этанол немесе 10 мл дозада  196.2 мг этанол (5 мл сыраға немесе 2 мл шарапқа баламалы) бар, соның нәтижесінде бауыр және ми ауруы бар емделушілерде, маскүнемдіке шалдыққан және  эпилепсиямен науқастарда, сондай-ақ жүкті әйелдерде асқынулар пайда болуы мүмкін.

Құрамында бензокаин болғандықтан, препаратты  ұзақ  уақыт  қабылдау (7 күннен артық) ұсынылмайды.  

Егде жастағы науқастар ұзақ уақыт қабылдағанда остеомаляция және  остеопороз дамуы мүмкін.  Сондықтан  фосфорға бай тамақтарды қабылдау керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың құрамында этанол бар, мұны көлік құралдарының жүргізушілері мен қауіптілігі зор  механизмдермен жұмыс жасайтын тұлғалар ескеруі қажет.

Артық дозалануы

Симптомдары: іштің қатуы, метеоризм, бүйрек калькулезі, жеңіл ұйқышылдық, гипермагниемия, ауыздың металл татуы (препараттың көп мөлшерін бір рет қабылдағанда), препаратта бензокаин болғандықтан, жұтынған кезде, сезімталдықтың жоғалуы.

Сондай-ақ метаболикалық алкалоз белгілері: көңіл-күйдің немесе ақыл-ой еңбегіне қабілеттіліктің өзгеруі, бұлшықеттердің ауыруы, күйгелектік, тез қажығыштық, тыныс алудың баяулауы байқалуы мүмкін.

Емі: асқазанды шаю, белсендірілген көмірді қабылдау.

Шығарылу түрі және қаптамасы

Шыны құтыларға немесе полиэтилентерефталаттан жасалған құтыларға 170 мл-ден құйылған. Бір құты 5 мл-ге арналған дозалағыш қасығымен және медицинада қолданылуы жөніндегі мемлекеттік және орыс тілдеріндегі нұсқаулықпен бірге картон  пәшкеге салынады.  

Көп қабатты фольгадан жасалған пакеттерде 10 мл препараттан.

10 немесе 20 пакеттен медицинада қолданылуы жөніндегі мемлекеттік және орыс тілдеріндегі нұсқаулықпен бірге картон  пәшкеге салынады.

Сақтау шарттары

Жарықтан қорғалған жерде, 25оС-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!

Жарамдылық мерзімі

2 жыл

Қаптамасында  көрсетілген жарамдылық мерзімі өткеннен кейін препаратты қабылдауға болмайды.

Дәріханадан босатылу шарттары 

Рецептісіз

Өндіруші

«Балканфарма - Троян» АД, Болгария

5600  Троян қ.,  “Крайречна” к-сі № 1, Болгария

Тіркеу куәлігінің иесі

«Балканфарма-Троян» АД, Болгария

5600  Троян қ.,  “Крайречна” к-сі № 1, Болгария

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

Алматы қаласындағы«Актавис Интернешнл Лтд.» өкілдігі

Қазақстан Республикасы, 050009,  Алматы қ., Мұқанов к-сі 241, 1-а кеңсе.

Тел./факс: 8 (727) 313 74 30, 313 74 31, 313 74 32;

Электронды поштасы: actavis@actavis.kz; сайт: www.actavis.com

Жаналыктар

Картадағы дәріханалар

Бейне баян

NPS-KZ-00089