Жаңалықтарға жазылу керек па?

Сіз сәтті жазылдыңыз!

ТОО «ратиофарм Казахстан»
Тел : + 7 (727) 325 16 15
е-mail: info.tevakz@tevapharm.com
«ратиофарм Қазақстан» ЖШС
тел.: +7 (727) 325-16-15
е-mail: info.tevakz@tevapharm.com
Артқа
Диклофенак-ратиофарм 1% гель
1% гель
Диклофенак-ратиофарм
Эм-гель
Диклофенак-ратиофарм 140 мг
140 мг
Инструкции
Картадағы дәріханалар
Бейне баян

Инструкции

Саудалық атауы

Диклофенак-ратиофарм1% гель

Халықаралық патенттелмеген атауы

Диклофенак

Дәрілік түрі

1%  гель 40 г 

Құрамы                                                    

100 г гельдің құрамында:

белсенді зат: 1,0 г натрий диклофенагы                  

қосымша заттар: диизопропил адипаты, гидроксипропилцеллюлоза, 90% сүт қышқылы, натрий дисульфиті, изопропил спирті, инъекцияға арналған су бар.

Сипаттамасы

Изопропанолдың өзіндік иісі бар мөлдір түссіз гель

Фармакотерапиялық тобы

Жергілікті қолдануға арналған қабынуға қарсы стероидты емес препараттар. Диклофенак

АТС  коды  М 02АА 15

Фармакологиялық әcepi

Фармакокинетикасы

Теріге жаққан кезде гель толығымен сіңеді және жергілікті тіндерге (теріастылық клетчаткаға, бұлшықет тіндеріне, буын капсулаларына және буын қуыстарына) баяу өтеді. Ішке қабылданған препаратпен салыстырғанда белсенді заттың тек 0,5-6%-ы ғана жүйелі қан айналымына жетеді. Плазмадағы ең жоғарғы деңгейге 1-2 сағаттан соң жетеді. Қан плазмасындағы орташа болу кезеңі 9 сағатқа дейін жетеді. Қан плазмасы ақуыздарымен байланысуы 99% құрайды. Гидроксилирлену және глюкурон қышқылымен байланысу арқылы бауырда жылдам метаболизмденгеннен кейін бүйректер арқылы заттың 2/3 және өт арқылы - 1/3 шығарылады.   

Фармакодинамикасы

Диклофенак-ратиофарм  1% гель айқын қабынуға қарсы, ауыруды басатын және орташа қызуды түcipeтiн әсерге ие. Диклофенак-ратиофарм® 1% гелінің әсер ету механизмі циклооксигеназа ферменті белсенділігін бәсеңдетумен байланысты, осының салдарынан арахидон каскады реакциясы бөгеледі, ПГЕ2, ПГҒ26 простагландиндер, тромбоксин А2, простациклин, лейкотриен синтезі және қабыну патогенезінде, ауыруларда және қызбада маңызды рөл атқаратын лизосомальді ферменттер лықсуы бұзылады. Диклофенак-ратиофарм1% гель тромбоциттер агрегациясын бәсеңдетеді.

Қолданылуы

  • бұлшықет пен байламдардың жедел созылуында, жұмсақ тіндердің және тері жабындысының бүтіндігі бұзылмаған жарақаттармен (спорттық, өндірістік, тұрмыстық және т.б.) байланысты буын шығуында немесе соғылуларда ауыру синдромын жергілікті, демеуші және симптоматикалық емдеуге арналған

Қолдану тәсілі және дозалары

Диклофенак-ратиофарм1% гелі ауыру ошағының алаңына байланысты, гельді 9-10 см-ден (3 г-ден) күніне 3 рет теріге жағып, ақырын ысқылау керек. Таңғыш қою қажет болған жағдайда, гельді жаққаннан кейін бірнеше минуттан соң кепкен беткейге таңғыш қойылуы тиіс. Гельді ауа өткізбейтін таңғышпен қолдануға болмайды. Гельдің ең жоғары тәулік  дозасы 9 г (немесе 90 мг натрий диклофенагы). Емдеу ұзақтығы 1-2 аптаны құрайды.

Жағымсыз әсерлері

Жиі (≥1% - < 10%)

  • жергілікті тері тітіркенуі (қышу, қызару, шымылдатып ашыту, бөртпе)

Кейде (≥0,1% - < 1%)

  • жанаспалы дерматит,

Өте сирек (< 0,01%, бірен-саран жағдайларды қоса)

  • асқазан-ішек жолының бұзылуы
  • жайылған тері бөртпесі
  • ангионевротикалық ісіну және диспноэ түрінде асқын сезімталдық реакциялары

Қолдануға болмайтын жағдайлар

  • диклофенакқа, ацетилсалицил қышқылына және қабынуға қарсы басқа стероидтық емес дәрілерге, изопропил спиртіне, пропиленгликолға және дәрілік препараттың басқадай құрамдастарына жоғары сезімталдықта
  • ашық жараларға, қабынған немесе жұқпа-жұқтырылған теріге, шырышты қабыққа, экземаға
  • жүктіліктің ІІІ триместрінде (үлкен беткейлеріне немесе ұзақ уақыт бойы жаққанда)
  • балаларға және 18 жасқа дейінгі жасөспірімдерге

Дәрілермен өзара әрекеттесуі

Байқалған  жоқ.

Айрықша нұсқаулар

Анамнезінде демікпе ұстамасы, тері реакциялары немесе жедел ринит түрінде қабынуға қарсы стероидты емес дәрілерге немесе анальгетиктерге жоғары сезімталдық реакциялары бар науқастарға Диклофенак-ратиофарм1% гелін тағайындаған кезде сақтық шараларын сақтау керек.

Демікпемен ауыратын, тыныс алу жолдарының обструктивті ауруларымен, мұрынның поллинозы және полипі бар науқастар, басқа науқастарға қарағанда жиі қабынуға қарсы стероидты емес дәрілерді қолданғанда демікпе ұстамасы, терінің және шырыштың жергілікті ісінуі (оның ішінде Квинке ісінуі) немесе есекжем сияқты реакциялар көрсетеді.

Диклофенак-ратиофармгелі тек сыртқа қолданылатын дәрі түрінде қолданылады! Препаратты көздің шырышты қабығына, ашық жараларға немесе зақымданған теріге тигізбеу керек.

Пропиленгликоль терінің тітіркенуін туындатуы мүмкін.

Жүктілік және лактация кезеңінде

Диклофенак-ратиофарм1% гелі жүктіліктің І және ІІ триместрінде тек пайда/қауіп арақатысын мұқият қарастырғаннан кейін ғана қолданылуы мүмкін. Жүктіліктің ІІІ триместрінде  гельді терінің үлкен бөлігіне ұзақ уақыт бойына жағу қарсы көрсетілімде. Диклофенак босану кезіндегі толғақты басуы,   ductus arteriosusуақытынан бұрын жабылуын, ана мен ұрықта қан кетуге жоғары бейімділікті, ананың ісінуін туындатуы мүмкін. Лактация кезеңінде Диклофенак-ратиофарм 1% гелін қолданбаған жөн, өйткені диклофенактың аздаған мөлшері емшек сүтіне бөлінеді.

Дәрілік заттың көлік құралдарын немесе қауіпті деп саналатын механизмдерді басқару қабілетіне әсер ету ерекшелігі

Әсер етпейді.

Артық дозаланғанда

Егер теріге жаққанда гельдің берiлген дозадан артық мөлшері қолданылса, гельді алып тастау, ал терінің сол бөлігін сумен жуу керек.

Шығарылу түрі және қаптамасы

Жоғары тығыздықтағы полиэтиленнен жасалған қақпағы бар алюминий сықпадағы 40 г гельден. 1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші /Қаптаушы

«Меркле ГмбХ», Германия

Тіркеу куәлігінің иесі

«ратиофарм ГмбХ», Германия

Қазақстан Республикасы аумағында тұтынушылардан өнімнің сапасы  жөніндегі шағымдарды қабылдайтын ұйымның мекенжайы

«ратиофарм Қазақстан» ЖШС

050000 Қазақстан Республикасы

Алматы қ., Әл-Фараби даңғ., 19

Нұрлы Тау Бизнес орталығы,  1Б корпус,  603 кеңсе

Тел, факс: (727) 311 09 15, 311 07 34

E-mail: Safety.Kazakhstan@tevapharm.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы және  мекенжайы

«ратиофарм Қазақстан» ЖШС

050000 Қазақстан Республикасы

Алматы қ., Әл-Фараби даңғ., 19

Нұрлы Тау Бизнес орталығы,  1Б корпус,  603 кеңсе

Тел, факс: (727) 311 07 08

E-mail: Dina.Baimakova@tevapharm.com

Жаналыктар

Картадағы дәріханалар

Бейне баян

Инструкции
Картадағы дәріханалар
Бейне баян

Инструкции

Саудалық атауы

Диклофенак-ратиофарм  Эм-гель

Халықаралық патенттелмеген атауы

Диклофенак

Дәрілік түрі

1% 50 г гель

Құрамы                                                    

100 г гельдің құрамында:

белсенді зат: 1,0 г натрий диклофенагы (1,160 г диэтиламин диклофенагы),      

қосымша заттар: диэтиламин, карбомер (Карбопол 974 Р), макрогол цетостеарил эфирі (эумульгин В2 РН), кокоил каприлокапраты, изопропил спирті, сұйық парафин, пропиленгликоль, тазартылған су бар

Сипаттамасы

Ақ түсті гель

Фармакотерапиялық тобы

Жергілікті қолдануға арналған қабынуға қарсы стероидты емес препараттар. Диклофенак.

АТХ  aкоды  М 02АА 15

Фармакологиялық қасиеттері

Фармакокинетикасы

Теріге жаққан кезде гель толығымен сіңбейді және астындағы тіндерге баяу өтеді.  Ішке қабылданған препаратпен салыстырғанда белсенді заттың тек 6%-ы ғана жүйелі қан айналымына жетеді. Плазмадағы ең жоғары деңгейі диклофенактың ішу арқылы қабылданатын түрлерін қолдану кезіндегі концентрациясынан 100 есе төмен. Ақуыздармен байланысуы 99,7% құрайды. Диклофенак әр түрлі фенолды дериваттарға тікелей глюкуронидациялану жолымен ішінара метаболизмге ұшырайды. Фенолды дериваттардың екеуі биобелсенді, бірақ едәуір аз дәрежеде. Диклофенактың плазмадағы жалпы клиренсі минутына 263 мл құрайды.  Диклофенак пен оның метаболиттерінің жартылай шығарылу кезеңі 1-2 сағат. Метаболиттерінің бірі 3-гидрокси-4-метоксидиклофенактың жартылай шығарылу кезеңі анағұрлым ұзақтау. Диклофенак және оның метаболиттері негізінен бүйрек арқылы шығарылады.

Фармакодинамикасы

Диклофенак-ратиофарм Эм-гель қабынуға қарсы, ауыруды басатын әсер береді. Әсер ету механизмі циклооксигеназа ферменті белсенділігін бәсеңдетумен байланысты, осының нәтижесінде қабыну, ауыру және қызба патогенезінде маңызды рөл атқаратын арахидон каскады реакциясы бөгеледі және ПГЕ2, ПГF26 простагландиндер, тромбоксан А2, простациклин, лейкотриендер синтезі және лизосомальді ферменттердің шығарылуы бұзылады. Диклофенак-ратиофарм Эм-гель ревматизм ауруларында, жарақаттар кезінде ауыру мен қабынуды азайтады. Гель сулы-спиртті негізіне байланысты жайландыратын және салқындататын әсер береді.

Қолданылуы

  • жарақаттық емес артриттерде
  • сіңірдің жарақаттардан кейінгі қабынған ауруларында, бұлшықет пен  байламдардың созылуында, соғылуларда, буын шығуында  
  • жұмсақ тіндердің ревматизмдік зақымдануында, тендовагинитте (теннис шынтағы), бурсит, иық-алақан синдромы, периартропатияда

Қолдану тәсілі және дозалары

Гельді дененің ауыратын бөлігі аймағына теріге 4-8 см гельден (2-4 г) күніне 3-4 рет жеңіл сылап, жағады. Жаққаннан кейін қолды жуу керек. Окклюзиялық таңғышты қолдануға болмайды. Гельді көзге тигізбеген жөн. Емдеу ұзақтығы аурудың ауырлығына және зақымданудың сипатына байланысты болады. Дәрігердің ұсынымынсыз гель жұмсақ тіндер зақымдануы кезінде 2 аптадан немесе артриттік ауыру кезінде – 3 аптадан артық қолданылмауы тиіс. Гельді дәрігердің тағайындауынсыз қолданған жағдайда, оны 7 күннен асырмау керек.

Жағымсыз әсерлері

Жиі

  • бөртпе, экзема, эритема, дерматит (жанаспалыны қоса)

Сирек

  • буллезді дерматит
  • Өте сирек
  • пустулезді бөртпе
  • аса жоғары сезімталдық реакциялары, ангионевротикалық ісіну, демікпе, фотосенсибилизация
  • асқазан-ішек бұзылыстары

Қолдануға болмайтын жағдайлар

  • диклофенакқа, қабынуға қарсы стероидты емес басқа дәрілерге,  изопропил спиртіне, пропиленгликольге немесе препараттың басқа заттарына жоғары сезімталдық
  • құрамында диклофенак бар басқа препараттарды бір мезгілде қабылдау
  • ацетилсалицил қышқылы немесе қабынуға қарсы стероидты емес басқа да дәрілер туындатқан демікпе ұстамалары, есекжем, жедел ринит
  • ашық жаралар, қабынған немесе жұқпаланған тері, шырышты қабық, экзема
  • жүктілікт, лактация кезеңі
  • 12 жасқа дейінгі балалар және жасөспірімдер

Дәрілермен өзара әрекеттесуі

Бір мезгілде Диклофенак-ратиофарм Эм-гель және:

  • қабынуға қарсы стероидты емес дәрілерді ішу арқылы қабылдағанда  – жағымсыз әсерлердің жиілігі артады.

Айрықша нұсқаулар

Бұрын  демікпе ұстамасы, тері реакциялары немесе ринит түрінде қабынуға қарсы стероидты емес дәрілерге немесе анальгетиктерге жоғары сезімталдық реакциялары болған науқастарға Диклофенак-ратиофарм Эм-гельді тағайындаған кезде сақтық таныту керек.

Диклофенак-ратиофарм Эм-гель тек сыртқа арналған дәрі түрінде қолданылады! Препаратты көзге, шырышты қабыққа, ашық жаралар немесе зақымданған теріге тигізбеген жөн.

Диклофенак-ратиофарм Эм-гельді терінің үлкен беткейіне ұзақ қолданған кезде диклофенактың қан арнасына енетіндігін жоққа шығаруға болмайды.

Демікпемен ауыратын, тыныс алу жолдарының обструктивті ауруларымен, мұрынның поллинозы және полипі бар науқастар, басқа науқастарға қарағанда жиі қабынуға қарсы стероидты емес дәрілерді қолданғанда: демікпе ұстамасы, тері мен шырышты қабықтың жергілікті ісінуі (оның ішінде Квинке ісінуі) немесе есекжем сияқты реакциялар көрсетеді.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері              

Әсер етпейді.

Артық дозалануы

Жергілікті қолданғанда гельдің артық дозалану мүмкіндігі аз. 

Симптомдары: гельді ішке қолданған кезде жағымсыз әсерлері пайда болуы мүмкін

Емі: асқазанды шаю, белсенділендірілген көмір

Шығарылу түрі және қаптамасы

50 г гель алюминий сықпада. 1 сықпадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші/Қаптаушы

«Дельфарм Юнинг САС», Франция  

Тіркеу куәлігінің иесі

«ратиофарм ГмбХ», Германия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның  мекенжайы 

“ратиофарм Қазақстан” ЖШС, Алматы қ., Әл-Фараби даңғ., 19, «Нұрлы тау» БО, 1Б, 603 кеңсе, Телефон: (727)3110915, Факс: (727)3110734, e-mail: teva@teva.kz

Жаналыктар

Картадағы дәріханалар

Бейне баян

Инструкции
Картадағы дәріханалар
Бейне баян

Инструкции

Саудалық атауы

Диклофенак-ратиофарм 140 мг

Халықаралық патенттелмеген атауы

Диклофенак

Дәрілік түрі

Бұласыр

Құрамы

1 бұласырдың құрамында

белсенді зат – 140 мг натрий диклофенагы,

қосымша заттар: макрогол лаурил күрделі эфирі, диизопропиладипат, концентрацияланған глицерин, пропиленгликоль, кристалды сұйық сорбитол, натрий полиакрилаты, натрий кармеллозасы, бутилденген метакрилаттың негізгі кополимері, сусыз коллоидты кремний, ашық түсті табиғи каолин, сусыз натрий сульфиті, ЭДТА динатрий тұзы,

дибутилгидрокситолуол, алюминийдің құрғақ калий сульфаты, шарап қышқылы, l-ментол, тазартылған су,

төсеме заттар: полиэстерден жасалған тоқылмаған қатты мата (EL-8100S), полипропиленді қорғаныш үлбір.

Сипаттамасы

Тоқылмаған матаға бір қалыпты қабатпен жағылған ақ немесе ашық-қоңыр түсті пастасы бар және алынатын қорғаныш үлбірмен жабылған бұласыр.

Фармакотерапиялық тобы

Тірек-қимыл аппараты ауруларын жергілікті емдеуге арналған препараттар. Жергілікті қолдануға арналған қабынуға қарсы стероидты емес дәрі. Диклофенак

АТХ коды  М02АА15

Фармакологиялық қасиеттері  

Фармакокинетикасы

Теріге жапсырғаннан кейін диклофенак баяу босап шығады. Платоның орташа концентрациясы шамамен 3 нг/мл құрайды. Қан плазмасы ақуыздарымен байланысуы 99% құрайды. Диклофенак гидроксилденуге және глюкурон қышқылымен байланысқа ұшырайды. Диклофенактың 2/3 бөлігі бүйрек арқылы,  1/3 бөлігі өт арқылы шығарылады.  

Фармакодинамикасы

Диклофенак-ратиофарм 140 мг – бұл қабынуға қарсы стероидты емес дәрі (ҚҚСД). Қабынуға қарсы, ауыруды басатын әсері бар. Әсер ету механизмі простагландин синтезін бәсеңдетуге және қабыну медиаторының босап шығуына негізделеді. Диклофенак қабынуға байланысты ауыруды, ісінуді және температураның жоғарылауын азайтады.

Қолданылуы

  • аяқ-қол аймағының созылуы, шығуы және қатты заттан жарақаттану  (спорттық жарақаттану) салдарынан болған соғып алу кезіндегі ауыруда

Қолдану тәсілі және дозалары

Теріге қолдануға арналған. Тек сыртқа қолдану үшін! Ішке қабылдауға болмайды!

Құрамында биологиялық белсенді заттары бар бұласыр салынған пакетті таңбалану бойымен кесіңіз. Бұласырды алыңыз және жабылатын жүйені баса отырып, пакетті қайтадан мұқият жауып қойыңыз. Бұласырдың жабысқақ бетінен қорғаныш үлбірін алыңыз. Ауырып тұрған жеріңізге бұласырды жапсырыңыз. Қажет болған жағдайда оны созылғыш торлы таңғыштың көмегімен бекемдеуге болады. Бұласырды окклюзиялық таңғышпен бірге қолдануға болмайды.

Дозалануы  

Ересектерге күніне 2 рет, таңертең және кешке. Әдетте 1 апта бойы  қолданған жеткілікті.

Диклофенак-ратиофарм 140 мг 16 жастан кіші балаларды емдеуге болмайды,  өйткені бұл жас тобындағыларға қолдану тәжірибесі  жеткіліксіз.  

Жағымсыз әсерлері

Жиі

  • жергілікті тері реакциялары, терінің қызаруы, шымылдау, терінің қышынуы, эритема, сондай-ақ ірің мен күлдіреуік түзілуімен тері бөртпесі

 Кейде

  • жоғары сезімталдық  реакциясы немесе жергілікті аллергиялық  реакциялар (жанаспалы дерматит)

Сирек

  • жайылған тері бөртпесі, тамырдың  ісінуі және анафилаксиялық түрдегі реакция, фотосенсибилизация.

Қолдануға болмайтын жағдайлар

  • диклофенакқа немесе дәрілік препарат компоненттерінің біріне (пропиленгликольге немесе бутилгидрокситолуолға) жоғары сезімталдық
  • емдеуге ацетилсалицил қышқылы немесе басқа да қабынуға қарсы стероидты емес дәрілер (ҚҚСД) қолданылған демікпе ұстамаларын, есекжемді немесе жедел ринитті өткерген пациенттер
  • белсенді сатыдағы ойық жара ауруы
  • ашық жараларға, күйіктерде, тері инфекциялары немесе экземада пайдалану
  • жүктіліктің үшінші триместрі 
  • 16 жасқа дейінгі балалар  

Дәрілермен өзара әрекеттесуі

Осы уақытқа дейін қандай да бір өзара әрекеттесулері белгісіз.

Айрықша нұсқаулар   

Диклофенак-ратиофарм 140 мг зақымдалған (тырналған, кесілген жарада, күюде, экземада) немесе инфекция жұқтырылған теріге, сондай-ақ шырышты қабықтарға және окклюзиялық таңғышпен қолдануға болмайды.

3 күннен аса созылған асқынуларда дәрігерге қаралған жөн.  

Диклофенак-ратиофарм 140 мг ацетилсалицил қышқылынан немесе басқа да ҚҚСД туындатқан есекжем немесе жедел ринит, демікпе ұстамасы бар бронх демікпесінен зардап шегетін пациенттерге; бүйрек, жүрек немесе бауыр функциясы бұзылған, сондай-ақ сыртартқысында пептикалық ойық жарасы немесе ішек қабынуы немесе геморрагиялық диатезі бар пациенттерге; егде жастағы пациенттерге сақтықпен қолдану керек. Тері бөртпесі пайда болғанда емдеу тоқтатылуы тиіс. Фотосезімталдық қаупін төмендету үшін бұласырды алғаннан кейінгі бір сағат ішінде өңделген аймаққа тікелей күн сәулесінің немесе  солярийдің әсер етуін болдырмаған дұрыс.  

Бұласыр құрамында полипропилен және бутилгидрокситолуол бар. Полипропилен терінің тітіркенуін туындатуы мүмкін. Бутилгидрокситолуол жергілікті тері  реакцияларын (мысалы, жанаспалы дерматит), көздің және шырышты қабықтың тітікенуін туындатуы мүмкін.

Жүктілік және лактация кезеңі

Диклофенак-ратиофарм 140 мг пайдасы мен қаупін мұқият салыстырудан кейін жүктіліктің бірінші және екінші триместрі ішінде ғана пайдалануға болады. Диклофенак пен оның метаболиттерінің ең аз мөлшері емшек сүтіне бөлінеді. Нәрестелер үшін белгілі жағымсыз құбылыстардың болмауына байланысты препаратты қысқа мерзімді пайдалану кезінде емшекпен қоректендіруді тоқтата тұрудың қажеті жоқ. Дегенмен, Диклофенак бұласырын тікелей омырау аймағына жапсыруға болмайды.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Диклофенак-ратиофарм 140 мг автомобиль жүргізу және машиналарды пайдалану қабілетіне жағымсыз әсер етпейді.

Артық дозалануы

Ешқандай артық дозалану жағдайлары хабарланбаған. Дұрыс қолданбаған немесе кездейсоқ артық дозаланған кезде (мысалы, балаларда)  елеулі жүйелі жағымсыз әсерлер туындаған жағдайда, қабынуға қарсы стероидты емес дәрілермен уыттануда көзделетін сақтық шараларын қолдану керек.

Шығарылу түрі және қаптамасы

Бұласыр 5 данадан қағаз, тығыздығы төмен полиэтилен, алюминий, этилен кополимері және метакрил қышқылынан жасалған қайта жабылатын, желімденген пакетте.

1 немесе  2 пакет мемлекеттік және орыс тілдеріндегі медициналық қолдану жөніндегі нұсқаулықпен бірге картоннан жасалған қорапта.

Сақтау шарттары

Балалардың қолы жетпейтін жерде, 25°С-ден аспайтын температурада сақтау керек.   

Түпнұсқалық қаптамасында сақтаңыз! Пакетті тығыз жабылған қалыпта сақтаңыз.

Сақтау мерзімі

Ашылмаған қаптамада 30 ай. Қаптаманы ашқаннан кейін 4 ай.

Жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецептісіз

Өндіруші

«Тейка Фармасьютикал Ко Лтд», Тойяма, Жапония

Тіркеу куәлігінің иесі

«ратиофарм ГмбХ», Ульм, Германия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның  мекенжайы

«ратиофарм Қазақстан» ЖШС, 050040, Алматы қ., Әл-Фараби д-лы, 19,

Нұрлы Тау БО, 1Б, 603 кеңсе. Телефон: (727)3110915, Факс: (727)3110734,

e-mail: Safety.Kazakhstan@tevapharm.com

Жаналыктар

Картадағы дәріханалар

Бейне баян

NPS-KZ-00089